“Pagpasensyahan mo na kung makulit ang mga anak ko lalo na ang anak kong babae,” ani ni Bel sabay lapag ng isang tasa na naglalaman ng mainit na kape maliit na lamesita sa sala kung nasaan si Jude at nagbabasa ng mga papeles galing sa opisina niya bilang mayor at sa mga negosyong hawak niya.
“Wala naman akong magagawa na at narito na kayong lahat ng mga anak mo. At saka, ganyan naman yata talaga ang mga kabataan ngayon. Masyadong makulit,” sagot ni Jude ngunit nananatili ang mga mata sa mga binabasa.
“Huwag kang mag-alala at aalis din kami agad sa oras na kaya mo na talagang kumilos mag-isa o kaya mo ng pumasok sa mga naiwan mong trabaho,” ang sabi ni Bel sa dating asawa na ngayon ay siyang nagsisilbing alkalde ng bayan nila.
“Bakit mo tinanggihan ang scholarship nga ibinibigay sa mga a
