“Katigas ng ulo ng anak na babae nitong si Love Bel. Sigurado ba siyang anak niya ang dalagang yon? Hindi makulit at madaling pagsabihan si Love Bel kaya kanino nagmana ng ugali ang anak niya?” naghihimutok na tanong ni Jude ng makapasok na sa kanyang silid. Hindi niya talaga nagawang mapaalis sa loob ng kanyang bahay ang mag-inang Love Bel at Barbie.
Halos kahihiga lang ni Jude ng may kumatok sa kanyang pinto.
“Mayor, dala na po namin ni nanay ang tanghalian niyo.”
Napabalikwas sa pagbangon si Jude ng marinig ang boses ni Barbie.
“Hindi pa ako nagugutom kaya ibalik niyo na yan sa kusina,” ang sagot ni Jude at saka muling humiga sa kanyang kama.
“Mayor, oras na po ng pagkain niyo dahil kailangan niyo na rin pong uminom ng gamot. Kaya kumain na po kayo at hindi pwedeng mamaya,” giit na
