“Huwag na po, Ma'am. Nakakahiya po,” tanggi ni Bel ng itapat sa katawan niya ang isang dress ng mama ni Jude.
Pagkatapos kasi ng kanilang pag-aalmusal kasama pa ang lola Barbara ni Jude ay nagyaya ang mga ito na may pupuntahan at kasama si Bel.
Matapos nga baybayin ang mahabang daan patungong bayan ay sa isang mall sila nagtungo.
Si Bel ang nakaalalay sa matandang babae na kasama nila kahit may sarili itong nurse na siyang aakay dapat sa Lola ni Jude.
“What?” takang tanong ng mama Hannah ni Jude kay Bel. Nakataas ang kanyang kilay at pinamaywangan ang kanyang manugang.
“Ano po kasi, nakakahiya po sa inyo,” giit muli ni Bel dahil sinusukatan siya ng byenang babae ng isang magandang damit.
Oo at may pera ang mga magulang ni Bel ngunit hindi talaga siya sanay na bumibili ng mga bagong d
