“Heto ang ipasusuot mo sa akin?!” sigaw ni Jude habang hinampas pa sa mukha ni Bel ang hawak nitong kulay asul na polo.
“Haharap ako sa mga investors na lukot ang damit ko? Anong klaseng asawa ka? Ano bang ginagawa mo sa maghapon at hindi mo ma plantsa ang mga damit ko?!” muling asik ni Jude sa mukha ni Bel na nakayuko na lang at hinahayaan na lang magsalita ng magsalita ang asawa.
Halos kasi sa maghapon ay marami itong pinagagawa sa kanya. Naroon pati bubong ay pinapaakyat sa kanya ni Jude para lang walisan ang ibabaw at alisin ang mga tuhong dahon na galing sa mga nakapaligid na puno sa bahay.
“Ano, Bel? Mahina na nga ang utak mo sa paaralan ay pagdating pa rin ba sa mga gawaing bahay ay palpak ka pa rin? Hindi mo pa rin magawa ng mabuti. Kaya siguro talagang hindi na natuwa sayo ang
