“Malapit na ang anihan ng palay. Pasyalan mo lagi ang mga nagbabantay ng palayan dahil baka mamaya ay inuunahan na nila akong umani,” ani ni Jude kay Bel na abala sa pagsisilbi ng pagkain ng asawa.
Sa araw-araw ay natataranta sa pag-luluto si Bel sa kung anong pagkain para sa almusal ng kanyang asawa dahil may pagkamaselan ito pagdating sa pagkain. Ayaw nito ng masyadong malasadong pritong itlog at ayaw din ng masyadong sunog. Gusto ng matapang na kape pero nagagalit kapag napapaitan sa timpla ng asawa.
Ang gusto pa ni Jude ay habang kumakain siya ay si Bel ang nagdudulot sa kanya ng lahat ng kanyang mga kailangan na kulan na lang ay si Bel na mismo ang magsubo ng pagkain para sa kanya.
“Hindi naman siguro gagawin nila mang Isme ang pagnakawan ka, Jude,” sagot naman ni Bel ng ilagay na
