“Oo nga pala, Jude. Nagpunta ang kapatid mo kahapon dito sa bahay,” wika ni Bel sa asawa habang kumakain ito ng hapunan.
Wala naging pagtugon kay Jude at patuloy lang sa pagkain.
“Ang ganda pala rin ng kapatid mo ano? Magkamukha kayo pero dahil napakaputi niya hindi ko agad napansin,” kwento ni Bel na nakangiti dahil natutuwa na sya na nakilala niya si Madeleine.
“Ano naman ang ginawa ng kapatid ko rito?” sa wakas ay nagtanong na si Jude.
“Ha? Pinapasok ko siya dito sa bahay. Nagmasid siya at sinabing ito pala ang bahay mo,” sagot ni Bel.
“Kaso nakita niya tong kwintas na bigay ni Lola Barbara. Pinagbintangan niya pa nga akong kinuha to dahil importante raw ito sa Lola niyo. Ayaw pa nga niyang maniwala na regalo sa akin ito ni Lola Barbara. Sabi ko pa nga ang bilin ng Lola niyo ay ibi
