“Uy! Mareng Bel! Alam mo na ba ang pumutok na balita? Kailangan nar raw natin lisanin ang squatter area na ito sa loob lang ng isang buwan,” saad ng kapitbahay ni Bel na gaya niya ay nakatira sa isang squatter area sa lungsod.
“Nabalitaan ko na nga, Mareng She. Kaya nga nalulungkot talaga ako at halos labing siyam na taon na rin kaming nakatira rito pero hindi ko akalain na darating pa rin ang araw na dapat na talagang iwan ang lugar na ito,” malungkot na sagot ni Bel habang isinisilong ang mga tuyong sampay na damit sa harap ng kanilang barung-barong na bahay.
“Anong magagawa natin, mare? Private propery itong lugar natin at dumating na ang panahon na kinukuha na talaga ng nagmamay ari. Nakakalungkot man ngunit kailangan na talaga nating umalis,” sagot din naman ni She na nakisilong na
