"Ligtas na ang papa niyo sa tiyak na kamatayan. Matagumpay ang naging operasyon," saad ng lalaking doctor na nagsagawa ng operasyon kay Señor Ben sa magkakapatid na Bel, Berry at Beth at sa kanilang mama na walang ginawa kung hindi ang umiyak ng umiyak dahil sa kalagayan ng kanyang asawa.
Nilapitan ng doktor ang mama ni Bel at pinaliwanag ang isinagawang operasyon maging ang mga dapat pang gawin para tuluyang maging magaling ang asawa nito.
"Salamat at ligtas na ang papa niyo," usal ng mama ni Bel na niyakap nilang tatlong magkakapatid.
"Hindi talaga pababayaan si papa dahil may misyon pa po siya, Ma," wika ni Bel na walang nakakaalam na kaya siya nagkaroon ng pera para pang opera ay kapalit ng pagpirma niya katunayan na nakikipaghilawalay na si Jude sa kanya. Hindi gaya ng kwento ni Be
