"Hawak ko na ang titulo ng kalahati ng inyong lupain," wika ni Jude ng puntahan si Bel na kasalukuyan na pinapakain ng mga sariwang damo si Zorro.
Tila naman nagningning ang mga mata ni Bel at walang pagsidlan ng saya si Bel dahil sa wakas ay mababawi niya na ang kahit kalahati sa kanilang hacienda.
"Salamat, Jude," masiglang pasasalamat ni Bel at kukunin na sana ang brown envelope kung saan nakasilid ang titulo ng lupa ngunit mabilis na iniwas ni Jude para hindi makuha ni Bel.
"Sandali lang naman. Anong sabi ko sayo? Hindi ba at kailangan mong paghirapan bago mo makuha ang titulo na ito?" wika ni Jude.
"Kung ganun ay anong dapat kong gawin para ibigay mo na sa akin yan? Sabihin mo na, Jude. Sabihin mo na at handa kong gawin ang lahat para mapasa kamay ulit namin ang kahit kalahati ng
