"Oly, Olyiana, talaga bang titiisin mo si Sir Kade? Alam mo bang ilang araw na siyang hindi pumapasok sa kumpanya. Naglakas loob na nga akong magtanong kay Henry, ang sabi niya lagi raw lasing si Sir Kade at walang pinakikinggang iba."
"'Wag mo nga siyang tinatawag na sir," masungit na sagot ni Oly. Nagpatuloy siya sa paglilinis ng lababo ng apartment habang si Herl naman ay napapabuntong hininga dahil sa sobrang pagmamatigas niya.
"Hindi ka ba nag-aalala na baka mapahamak siya?" subok ulit ni Herl habang lumalapit sa tagliran ng kaibigan. "Kung galit ka sa parents niya, 'wag mo naman siyang idamay."
"Herl, hindi ko siya dinadamay at kung ano mang nangyari, wala rin akong sinisisi. Ako ang nagpumilit na hindi umalis noong gabi na 'yon dahil gusto kong magustuhan nila ko." Huminto siya s
