"Kanina mo pa ba kami hinihintay?" tanong ko agad kay Kade nang maibaba ko ang baby car seat ni Sophie sa likuran ng kotse. Hawak ngayon ni Kade ang baby namin at naka-abang sa pagpasok ko sa passenger seat. Hinarap ko sila pagkasara ko ng pinto. Ngumiti ako nang walang kasing saya. Sobra-sobra ang pinakita ko sa kanya para malaman niya kung gaano kalaki ang epekto niya sa akin.
"Let's go." Hindi niya pinansin ang pagngiti ko. Seryoso pa rin siya ngayon at sinesenyasan na kong pumasok sa loob ng kotse
Sumunod na lang ako. Disappointed man pero may magagawa pa ba ko? Para kaming nagsisimula ulit ngayon. 'Yung tipong nireto kami sa isa't isa o kaya nagkakilala sa isang blind date at nag-try kung kaya naming magustuhan ang isa't isa. Parang gano'n ang sitwasyon namin kaya hindi ko maiwasang
