"Good morning, Ma'am Oly," bati sa akin ni Manang Thess. Ngumiti lang ako at naupo. Hindi ko magawang bumati pabalik o magpanggap manlang na masaya.
Hawak pa rin ni Kade si Sophie na ngayon ay gising na at naglalaway na naman.
Pagkakain, nagpaalam din agad akong umalis. Hindi na ko nagpahatid sa kanya. Masyado kasi kong nasaktan sa sinabi niya kanina. Sobra kong nanliliit sa sarili ko.
"Oly," tawag sa akin ni Luke pagkarating ko palang sa sala. "Bakit bigla kang hindi umuwi kagabi?"
"Ano naman sa'yo?"
Bumuga siya ng hangin at pumikit na tila ba nagtitimpi. "Ngayong araw ang kasal ni Hana. Sabi mo pupunta tayo," pilit niyang mahinahong sabi.
Gulat ko siyang tinignan. Nakalimutan ko na 'yon dahil sa panandaliang saya kasama ang mag-ama ko. Nakonsensya agad ako kaya binigay ko agad si
