"Mabuti at nandito na rin kayo. Kanina ko pa kayo hinihintay."
Napahinto ako sa paglalakad patungo sa sala dahil sa masayang bati ni Lola. Napatingin agad ako sa paligid, may mga taong ngayon ko lang nakita. Nakangiti sila at ang iba ay binabati si Luke.
"Sino sila?" taka kong tanong.
“Business partners,” matipid na sagot ni Luke at nauna nang bumati sa kanila ng maayos.
Gabi na pero lagi na lang may biglaan silang bisita. Nakaka-miss talaga ang buhay ko dati. Pag-uwi ko sa bahay, gutom man pero nakakapagpahinga ko kaagad.
To be honest, ayoko kasi sa mga ganito. Kung ano-ano lang naman ang pinag-uusapan nila. Nakikipagplastikan sa isa't isa at madalas nagpapatalbugan ng yaman.
"So, that's Amelia?"
Napalingon ako sa matandang babae na tumayo habang nakaturo sa akin. Ngumiti ako dah
