Nagising ako nang may nakayakap sa akin ng sobrang higpit. Si Sophie ang una kong nakita pagdilat saka ko nilingon ang mga brasong nakayakap sa bewang ko. Hindi ako makagalaw. Pilit kong nilingon papunta sa likod ang ulo ko at no'n ko lang nakita si Kade na mahimbing pa rin na natutulog.
Sobrang luwang sa kabilang side. Hindi ko naman namalayan na tumabi pala siya sa akin kagabi. Gusto kong pagmasdan siya habang natutulog. Kaya naman hinawakan ko ang mga braso niya saka niluwagan ang pagyakap niya sa akin. Siguradong ngawit na ang kanang kamay niya kaya itinaas ko 'yon sa ulunan ko saka ako umikot para magkaharap kami. Niyakap ko pa rin ang kaliwanag kamay niya sa akin tapos ay tinitigan ko siya.
"Miss na miss na kita," hindi ko mapigilang sabi. "Ipagpapalit ko lahat ng 'to bumalik ka l
