"So, here's your place?" Ito agad ang bungad na tanong ni Daniel nang makarating na kami sa condominium building ni Gino. Paano ko ba sasabihin sa kanya na hindi naman talaga ako rito nakatira?
"Ahm... actually, hindi."
"Then why are we here?" tanong niya.
"Nakikitira lang kasi ako rito. Ang totoong may-ari ng tinutuluyan ko ay ang kaibigan ko," paliwanag ko sa kanya. Bakit ko ba kailangang magpaliwanag? Ihinatid lang naman niya ako rito. Saka nakakailang sabihin na ang kasama ko sa bahay ay isang lalaki. Baka isipin ni Daniel napakababa kong babae at sumasama na lang ako kung kanin-kaninong lalaki.
Pero bakit ko ba iniisip 'yon? Hindi naman niya ako ganoong kakilala kaya hindi niya dapat ako husgahan. "
