Lumalalim na ang gabi. Wala pa ring pumupunta na kahit isang tao dito sa isla. Mabuti na lang talaga at safe sa rest house na tinutuluyan namin.
"Okay ka lang ba dito?" tanong ni Gino sa akin nang maihatid niya ako sa isang kuwarto. I wonder kung ilang babae na ang nadala na niya rito... o baka naman boys.
Inilibot ko ang aking mga mata sa buong paligid ng kuwarto. Hindi siya gaanong kalakihan pero komportable naman kung titingnan.
"Yes, I'm okay here." Nginitian ko lang siya.
"Okay," sagot niya. Mabuti na lang talaga at may isa pang kuwarto dito. "If you need something, just let me know... nandoon lang ako sa kabilang kuwarto." Sabay turo niya sa pinto na katapat lang ng kuwarto kung nasaan ako.
