(Saskia)
Akala ko katapusan ko na, ilang dangkal nalang at tuluyan na akong masagasaan ng kotse. Mabuti nalang at nagawa pa itong ihinto ng driver.
"What the----- Saskia?!" ani ng driver, nasa labas na ito ng kotse. Nakatitig sya sa akin. Napaatras ako. Agad na gumapang ang matinding takot sa akin. Nanginig ang aking buong kalamnan. Sapagkat ang tingin ko sa kanya ay si Savino.
"Saskia! A- Anong nangyari sayo?"
Humakbang sya palapit sa akin. Mas lalo pa akong napaatras. Binilisan nya ang kanyang paghakbang , hanggang sa tuluyan nya akong nahawakan. Nagwawala ako. Takot na takot ako sa kanya.
"Saskia, relaks. Hindi mo ba ako naalala? Ako ito, si Nicollo! Yong kuya ni Amari. Ako ito."
Napatitig ako sa kanya, saka ko lang napagtanto na hindi sya si Savino. Tumigil ako sa pagwawala.
"G
