(Saskia)
Napangiti ako pagkatapos kong pasadahan muli ng tingin ang aking mukha sa salamin na nandito sa kwarto namin ni Amari. Hinayaan kong nakalugay ang aking mahaba at makintab na buhay. Marami kasing nagsabi sa akin na mas maganda ako pag nakalugay ang buhok ko, pero mas madalas ko itong itali dahil sagabal sa araw- araw kong gawain.
Nanatili naman ang ganda ng aking dahil maliban sa hindi pa ito dumaan sa kahit anong kemikal, dalawang beses sa isang linggo ko ito nilagyan ng langis ng lubi. Ito ang dahilan kaya maganda pareho ang buhok namin ni Amari.
Naglagay din ako ng kunting pulbo sa aking mukha at nilagyan ko din ng kunting lipstick ang aking labi. May pulbo at lipstick din ako kahit papaano, kadalasan ginagamit ko ang mga ito pag may racing para presentable ako tignan hab
