Chapter 8
*Zack POV*
“Zack, anak pakikuha mo nga ‘yong sako ng bigas sa labas,” utos sa akin ni Nanay.
Panay ang paghahanda nila at ngayon ko lang sila nakitang ganito kaabala sa bahay ng mga Fuentez. Halata pang naglinis sina Nanay at Tatay.
Si Tatay ay tumungo pa sa bayan para bumili ng magandang klase ng itik para kaniyang kakatayin at isasama sa lulutuin ni Nanay.
Lumabas ako para kunin ang sako ng bigas na nasa harap ng bahay ni Ninong. Mabilis ko ‘yong dinala sa loob.
“Saan ko po ilalagay, ‘Nay?” Magalang kong tanong habang buhat ang sako ng bigas.
“Diyan na lang, anak,” wika ni Nanay na abala sa paghihiwa ng mga gulay.
“Darating ba ang ninong?” hindi ko na napigilan ang sariling magtanong.
Mabilis lang niya akong nilingon pagkatapos ay binalingan at binaliktad ang piniprito
