Chapter 10
*Zack*
Kahit puyat ay maaga pa rin akong nagising. Kailangan dahil may mga trabaho sa bukid kaya dapat maagang kumilos. Sasamahan ko sina Tatay at Nanay sa pagtatanim ng palay.
Hindi rin biro ang trabaho nila sa bukid. Ang trabaho naming mga magsasaka. Mahirap at kakaonti lang ang kita. Barya-barya lang kung tutuusin. Pero pilit pa rin kaming nagsusumikap dahil ito lang ang alam naming kabuhayan. Ito lang ang alam naming trabaho.
Marami sa’min ang hindi nakapagtapos sa pag-aaral dahil sa hirap ng buhay. Mas marami ang naghahangad na kumita kaysa humawak ng diploma. Dahil kung uunahin ang pag-aaral ay araw-araw namang gutom ang pamilya. Kumakalam ang sikmura lalo na kapag walang ani ng palay.
Lalo na ‘yong inaasahang kita ay sisirain ng bagyo. Kalbaryo ‘yon para sa’ming mag
