Chapter 19
*Zack*
“Nalagay mo na ba sa bag ang mga dadalhin mo, Zack?” tanong ni Nanay habang nagluluto. Gusto niyang magbaon pa ako ng pagkain dahil baka maguutom daw ako sa byahe.
“Ilang oras lang po ang byahe, ‘Nay. Bakit ang dami niyo namang hinahandang baon para sa’kin,” wika ko habang maingat na sinisilid sa bag ang mga damit na dadalhin ko.
“Sempre, matagal mong hindi matitkman ang luto ko eh,” wika niya pero nasa boses niya ang lungkot.
“Ayos lang ba talaga kayo dito?” tanong ko at tinitigan si Nanay. Ngumiti siya sa’kin.
“Matatanda na kami, kaya na namin ang sarili namin,” sagot niya.
Nalungkot ako bigla. Iyon na nga eh, matatanda na sila. Kailangan na nila ng kasama dito sa bahay. Pero mas dapat kung unahin ang mga pangarap ko sa kanila habang nabubuhay pa sila. Habang hin
