Chapter 10
"Chuck?" tanging nasambit ko nang maramdaman ang kamay niya na humahaplos sa aking pisngi. Kaagad kong iminulat ang aking mga mata at hinawakan ang kamay niya na naroon pa rin sa aking pisngi.
"Chuck?" muli kong sambit saka iniangat ang aking ulo mula sa pagkakasubsob sa gilid ng kama. "Gising ka na, sweetheart." Napaluha ako sa sobrang kaligayahang nararamdaman sa mga oras na iyon lalo na nang imulat ni Chuck ang kaniyang mga mata at diretsong tumingin sa akin. Waring pinag-aaralan nito ang reaksiyon ng aking mukha pero mayamaya ay pumikit din kasabay ng mahigpit na pagpisil sa aking kamay.
Nabahala ako sa nakikita lalo na nang may lumandas na luha mula sa nakapikit niyang mga mata. Nilingon ko ang pinto sa pag-asang may pumasok man lang pero nanlumo ako. Muling pinisil ni C
