Chapter 35
Mabibigat ang talukap ng aking mga mata, pero pilit ko iyong iminulat nang marinig ko ang paghagulgol ni Chuck. Nakaupo ito sa wheelchair, nakasubsob ang mukha sa kamang kinahihigaan ko habang hawak ang kaliwa kong kamay. Pinilit kong iangat ang aking kamay para tanggalin ang oxygen sa aking ilong, subalit hindi ko magawa dahil sa sobrang panghihina. Pansin ko ang isang bag ng swero at dugo na nakasabit sa tabi ng aking kama. Gustuhin ko mang magsalita pero walang lumalabas na boses sa bibig ko. Nagkasya na lang ako sa pagmamasid kay Chuck na hindi pa rin matigil sa pag-iyak.
Mayamaya ay umangat ang ulo nito at tumingin sa akin dahilan para mapagmasdan ko ang namumula nitong mga mata. Hindi rin nakaligtas sa aking paningin ang nag-uunahang mga luha sa pisngi nito.
"Sweetheart
