Chapter 38
Wala kaming imikan ni Chuck habang naghahapunan. Naroon sa pagkain ang buong atensiyon ko. Kung hindi lang ako nagugutom, hindi ako sasabay sa kaniya sa pagkain. Muli na namang umusbong ang galit ko at kung hindi ko pipigilan ang aking sarili baka masampal ko ang lalaking ito. Kanina hindi niya sinagot ang tanong ko tungkol kay Irma dahilan para lalo akong maghinala na siya ang may gawa ng pagkakaaksidente ng abogado ni dad. Hindi ko na naman mapigilang isipin na nakakalakad na nga siya.
Mayamaya ay napansin ko ang panaka-naka niyang pagsulyap sa gawi ko na tila gusto akong kausapin pero dama ko na nag-aalangan siya. Sa sulok ng aking mga mata ay nakita ko ang malalim niyang pagbuntong-hininga. Makailang beses niyang ginawa iyon at tila ba tensiyonadong-tensiyonado dahil kanin
