Chapter 40
Halo-halong emosyon ang nararamdan ko habang nakatingin kay Fern na abala sa pagpapaliwanag sa mga shareholders. Inis, galit at poot na hindi ko mailabas dahil natatakot akong malaman ng ibang mga kaharap namin na ex-husband ko ang nagsasalita. May hawak siyang mga papeles at iniabot iyon kay Mamita kaya lalong nakumpirma ang kutob ko. Nakakuyom ang kamao ni Chuck, pormal naman ang mukha nina Zid at Miss Lerma.
"Okay," saad ni Mamita nang pasadahan ng tingin ang mga papeles na iniabot ni Fern. "This is authentic. Actually, I received a letter yesterday from Mr. Gnilo confirming that he can't attend this meeting that's why he'll be sending a proxy instead. So, Mr. Fernando Segovia," tukoy ni Mamita kay Fern. "Welcome to the shareholders' meeting." Inikot ni Mamita ang paningin
