Hindi pina-kick out si Shin sa eskuwelahan pero lahat ng estudyante ay pinagtitripan siya. Nakita niya na lang na nakababad sa inidoro ang sapatos niya, hindi niya alam kung nasaan ang kaniyang bag, may lalaking nakakalat ang paa kaya natalisod siya at tumapon sa kaniya ang pagkain niya habang nasa mess hall siya para mananghalian.
Ngayon, masasabing si Shin na ang numero uno na punching bag at payaso ng lahat ng estudyante. May isang grupo ng mga estudyante na balak siyang bugbugin. Naisip niyang masuwerte pa ang ibang estudyanteng pinag-trip-an ng grupo ng Crowned Heirs, nakulong lang. Samantalang siya, uuwi nang naka-kabaong.
Nakapalibot ang mga estudyante kay Shin. May limang kalalakihan ang nasa harapan niya na mukhang hindi gagawa ng mabuti sa buong buhay ng mga ito. Tahimik lamang
