[FLASHBACK]
Ikapitong kaarawan ni Ryuuji kaya pumunta si Hikari sa bahay ng mga ito. Pinaghandaan niya iyon nang husto dahil gusto niya talagang mapalapit sa lalaki. Nagsuot pa siya ng pink na bestida na may silk na laso sa beywang. Sabi ng ibang tao, ang ganda-ganda niya raw. Siguro naman ay mapapansin na siya ni Ryuuji, sigaw ng kaniyang isipan.
Kasama ni Hikari ang kaniyang mga magulang. Hindi niya alam pero mas tuwang-tuwa ang mga ito kaysa sa kaniya. Ang sabi ng kaniyang Daddy, maganda itong pagkakataon para makakuha ng investors. Ang kaniyang Mommy naman ay gusto nang makipag-sosyalan kasama ang mga mayayaman nitong kumare. Pagdating nila roon, humiwalay siya kaagad sa mga magulang niya. Gusto niya nang makita si Ryuuji.
Habang naglalakad, kapansin-pansin ang grandiyosong ganda ng
