Natapos na ang isang linggong field trip ng mga estudyante. Dahil hindi pa masyadong gumagaling ang sugat ni Ryuuji sa bandang tiyan, binigyan siya ng dalawang linggo para magpahinga. Si Ashiya ang pumapasok at gumagawa ng notes na ibibigay niya sa binata.
Araw-araw na pumupunta si Ashiya sa bahay ng mga Kinimoto kapag tapos na ang kanilang klase. May dala siyang prutas o pastries tuwing dadalaw siya. Ganoon ang nakasanayan niyang gawin hanggang lumipas ulit ang isang linggo. Tinanggal na ang cast sa braso ni Ryuuji.
Araw ng sabado. Inihatid si Ashiya ng driver sa bahay nila Ryuuji. Halos kalahating isang oras ang byahe. Bumaba na siya sa kotse at pumasok sa loob ng bahay. Nakita niya ang isang kasambahay at tinanong kung nasaan si Ryuuji.
"Nasa pool po si Young Master."
"Anong ginagaw
