"Doc, kamusta na po ang biyenan ko? May maganda po ba na pagbabago sa kalagayan niya?" tanong ko ng makita ko ng lumabas na sa silid ang doktor na tumingin sa kalagayan ni Mama.
Malungkot na tumingin sa akin ang doktor.
Kahit alam kong sa pakiramdam ko ay wala naman magandang pagbabago sa kalagayan ni Mama ay nagtanong pa rin ako para magbakasakali.
"Ma'am, gaya po ng sinabi ko sa inyo ay mahalaga ang bawat segundo sa buhay ng inyong biyenan. Dahil habang hindi siya naooperahan ay nababawasan ng nababawasan ang chance na bumalik siya dati." Tapat na sagot ng doktor.
Lalo akong nalungkot.
Sa tuwing maririnig ko ang sinasabi ng doktor ay nababawasan din ang pag-asa sa puso ko na makakaligtas si Mama.
"Pasensya na po kayo, doc. Sadyang nagbabakasali lang po ako na magkaroon ng himala a
