“O, BAKIT ginabi ka yata, iha?” usisa ni Mama Carmela nang makasalubong ito ni Lyla sa sala pagdating niya ng mansion.
“Pasensiya na po. Wala po kasi akong masakyan pauwi, eh.”
Nanlaki ang mga mata ni Mama Carmela.
“Hindi ka sinundo ni Jak?”
Napailing si Lyla.
“Hindi po. Busy po kasi siya. May ginagawa daw po.” Saka may kasama siyang ibang babae.
Nagbuga ng hangin ang biyenan niyang babae.
“Ang bilin namin sa kanya ng papa mo ay siguraduhing maihatid ka at masundo araw-araw. Inuna na naman niya ang trabaho sa opisina. Puwede naman niyang iwan iyon dahil naroon naman ang papa ninyo. Saka may mga naka-assign namang manager at executive na sasalo sa trabaho niya kung sakaling aalis na siya. Hindi niya kailangang isubsob ang sarili niya sa trabaho.”
“Okay lang po iyon. Hindi naman p
