“FINALLY,” napainat si Jak habang nakatitig sa nagkalat na folder sa mesa niya. Hinilot din niya ang kanyang batok. Nangangawit na siya. Kanina pa siya pumipirma ng mga dokumento at tseke. Nangangalay pati ang mga palad at daliri niya.
Ito ang pinakaayaw niya sa trabaho ng CEO, ang umupo at pumirma ng sangkaterbang papel. Mas gugustuhin pa niyang umupo, makinig, at makipag-argumento sa mga business meeting kaysa nakaupo sa mesa niya at hindi nag-iisip.
Kung hindi nga lang siya nag-aalala sa negosyo ng pamilya nila, mas gugustuhin pa rin niyang nasa SEAL siya hanggang ngayon. Iyon talaga ang gusto niyang trabaho, ang makipaglaban kaysa mag-opisina. Pero dahil sa pagmamahal niya sa kanyang mga magulang, umuwi siya ng Pilipinas para lang maging CEO ng kompanya. Siya lang ang inaasahan ng
