“HINDI kita masusundo mamaya dahil may meeting ako ng alas-sais. Mag-taxi ka na lang pag-uwi mo,” wika ni Jak kay Lyla nang ihatid siya nito sa school.
“Okay,” matamlay na sagot ni Lyla bago siya bumaba ng kotse nito.
Meeting nga ba ang pupuntahan ni Jak o iyong babae niya? Parang gusto niyang umiyak. Ang hirap pala na ma-in love sa taong wala namang pagmamahal sa iyo. Ikaw ang kawawa dahil hindi niya masuklian ang pagmamahal mo.
Pagdating niya ng kanilang classroom, nadatnan na niya roon si Kricel.
“O bakit masama yata ang umaga mo, ah? Wala pang klase nakasimangot ka na,” puna ni Kricel nang umupo siya sa tabi nito.
“Wala ito. Okay lang ako.”
Napanguso si Kricel.
“Anong okay ka diyan? Mukha ka ngang naiiyak, eh. Sinong niloloko mo, ha?” pangungulit ni Kricel.
Tuluyan na ngan
