“AKALA ko ba may pupuntahan ka, iho? Bakit nandito ka pa?”
Ibinaba ni Jak ang hinihigop niyang kape saka tiningnan ang ina.
“Mayroon nga po. Kasal ni PJ ngayon. Pero mamayang alas-nueve pa iyon,” balewalang sagot ni Jak.
“Seven-thirty na, iho. Baka ma-late ka.”
Marahas na umiling si Jak.
“Hindi, ‘ma. Maaga pa. Sa main branch lang naman ng Glorious Hotel iyon gaganapin. Mahaba pa ang oras.”
Tinaasan siya ng kilay ng kanyang ina.
“Hindi naman malapit iyon, ah. Kalahating oras din na biyahe mula dito sa bahay hanggang sa hotel. Tapos mata-traffic ka pa sa daan, baka ma-late ka ng dating doon,” paalala ng kanyang ina.
“Okay lang iyon, ‘ma. Tinatamad nga ako na pumunta. Pero kinukulit ako ni Melvin. Hindi na nga ako bumili ng regalo. Pera na lang ang ibibigay ko.”
“Hmp! Bahala ka na
