“MANONG, alis na po tayo,” ani Lyla kay Manong Jojo nang bumalik siya sa loob ng kotse. Hindi siya makatingin nang diretso sa driver. Sa kalsada lang siya nakatutok.
“Sige, Ma’am. Nakita po ba ninyo si sir?”
Saglit na nilingon ni Lyla si Manong Jojo ngunit agad din niyang ibinalik ang tingin sa unahan.
“H-hindi po. W-wala po si…J-Jak.”
Hindi niya gustong aminin na nagkita sila ng asawa niya. Ayaw niyang kulitin siya o usisain man lang. In short, ayaw na muna niyang makipag-usap kahit kanino.
Bago tuluyang makaalis ang kotse ay napalingon pa si Lyla sa pinanggalingan. Napakagat-labi siya nang makitang naroon na si Jak at nakikipag-usap sa mga guwardiya. Nakabihis na ito ngunit magulo pa rin ang buhok.
Nakaramdam siya ng paninikip ng dibdib kaya ipinikit niya ang mga mata. Ayaw niyang
