“UY! BIRTHDAY pala ni Havoc. Babaha ba ng alak?” tumatawang usisa ni Chris.
“Okay lang na bumaha ng alak basta huwag lang iyong nakamamatay. Baka palayasin ako ng Steph kapag nalasing ako,” sabad ni Josh.
“Pass din ako diyan sa Ecstasy ni Havoc. Ako na lang ang tagaawat kapag may nalasing sa inyo,” ani Enzo.
“Nakasasama naman kayo ng loob. Ako na nga itong may birthday, ako pa ang pinag-isipan ninyo ng masama. Nagbago na ako mga bro. Hindi ko na kayo lolokohin. Baka ako naman ang pag-trip-an ninyo,” wika ni Jak.
Kararating lang niya sa Bachelor’s place pero kumpleto na ang mga kaibigan. Iyon nga lang siya naman ang inaasar ng mga ito.
“Simulan na nga natin nang makarami tayo. Walang uuwi nang hindi nalalasing,” singit ni Andrei.
“Ay! Paano tayo uuwi niyan kung pare-pareho na tayong
