"Celestine," Marahan at masuyo niyang pagtawag sa pangalan nito.
"Hmm?" Tugon nito, marahang hinahalo ang inuming ca phe—ah! Nakalimutan niya na kung ano ang pangalan ng kapeng inorder nito. "Ano 'yon?" Tanong pa nito.
"Free ka ba mamaya?" Lakas loob niyang tanong, kabado sa magiging tugon nito.
Nagtaas ito ng tingin, may pagtataka sa mga mata ngunit tumugon din. "Hindi Sir,"
"E bukas?" Muli niyang pagsubok.
"Day off ko bukas pero hindi ako free," Baliwalang ani nito at sumimsim pa ng kape. Samantalang siya? Hindi maipinta ang mukha nang dahil sa nonchalant rejection nito. "Bakit?" Tanong nitong muli ng mapansin ang kaniyang pagkadismaya.
"Wala wala," Umiiling niyang tugon, ngumiti pang bahagya. Ngiting hindi abot mata. "May tanong pa ako," Aniyang muli ng makabawi.
"Ano 'yon?
