SINAMAHAN si Liza ni Jared upang dalawin sa mansyon ng mga Salazar si Miggy. Isa pa ay gusto niyang makita si Mike.
Gusto niyang magpaliwanag dito kahit pa alam niyang sarado isipan ng lalaki sa kanyang mga paliwanag.
"Hindi mo naman ako kailangan samahan dahil may sasakyan naman ako, baka mamaya kung ano pa ang isipin nila at magkasama tayong dalawa," wika niya kay Jared. Ito ang nagmamaneho sa kanyang sasakyan.
"Hindi ko naman siguro kailangan magpaliwanag sa kanila. Isa pa wala naman tayong ginagawang masama," sagot sa kanya ng lalaki. " Iniisip mo pa rin ba si Mike?"
"Hindi ko alam na ganun pala ang tingin niya sa akin. Isang mababang uri ng babae. Ang totoo ay nasaktan ako sa kanyang mga sinabi, he didn't give me a chance to explain my side. Agad niya akong hinusgahan."
"And you
