NAGING ABALA si Mike sa pag-aayos ng dating silid ni Miko. Excited na rin siya na uuwi ang kanyang kakambal. Wala namang binago ang kanyang Mama sa silid nito kung kaya konting ayos na lang ang kanyang ginawa. Lahat ng kakailangan nito ay hinanda niya. Mabilis niyang pinalinis ang silid nito. Nang matapos siya ay bumalik siya sa kanyang silid at naligo.
Pinuntahan niya si Miggy sa nursery room nito. Nagbukas niya ng nursery room ay nagulat pa siya sa kanyang nakita.
“Liza?” gulat na gulat niyang tanong nang makitang karga nito sa Miggy sa loob ng nursery. Napakurap-kurap pa siya at baka namamalikmata lamang siya pero hindi, totoong nasa harapan niya si Liza. Nakatingin ito sa kanya pero walang ekspresyon ang mukha.
“Dito muna ako pinatira ng Mama mo,” malamig ang boses na sagot nito sa
