Pagkatapos marinig ni Jade ang nilalaman ng huling habilin at testamento ni Papa Rafael, kaagad silang umuwi kasama sina Nanay Elena at Tatay Manuel. Tahimik ang biyahe, tila ba bawat isa ay malalim ang iniisip. Hanggang sa makarating sila sa kanilang bahay, dama pa rin ni Nanay Elena ang bigat ng hindi niya maipaliwanag na emosyon dahil sa pamana na natanggap nilang mag-asawa..
Sa hardin sila dumiretso, malapit sa may poolside... Doon ay nag-usap ang mag-asawa habang nakaupo sa lumang bangkong kahoy. Hindi pa rin makapaniwala si Nanay Elena na pinamanahan siya mismo ni Senyor Rafael ng ganoon kalaking halaga. Maging si Jade ay hindi rin makapagsalita sa una, tila hindi makapaniwala na sa isang iglap, magbabago ang takbo ng kanilang buhay.
“Sa tanang buhay ko,” ani Nanay Elena habang na
