JAXSON
Dinala ako sa Muntinlupa City Jail. Pagkapasok sa loob ng kulungan ay pinag-suot ako ng damit na kulay orange. Hindi ko na nakausap si Daddy dahil bawal na akong kausapin kahit sino man maliban sa abogado ko, ngunit kailangan pang magpaalam sa head ng city jail. Inalis nila ang posas ko at dinala sa magiging kulungan ko.
Napasulyap ako sa dinaanan naming selda, tinitingnan nila ako. Ang iba ay sulyap lang at ang iba naman ay parang gusto na nila akong ilibing ng buhay, lalo na ang may mga tattoo at malalaki ang katawan.
I don’t care if they hurt me or kill me. Wala ng silbi ang buhay ko. Ito na ang nakatadhana sa akin at tinatanggap ko iyon nang maluwag sa puso ko.
Tinulak ako ng pulis papasok sa isang kulungan. Meron ng tao roon. Napatingin ako sa tatlo kong kasama. They all
