Habang nakasilip mula sa bintana kung saan natutulog si mama ay kinalabit ako ni tita.
"Lei, gusto mo bang kumain saglit sa labas?" tanong niya at saka pa niya dinagdagan ng isang maaliwalas na ngiti.
Agad naman akong sumama sa kaniya dahil alam niya kung ano ang mga paborito kong kinakain.
Pagdating namin sa parang cafeteria ng hospital ay pinaupo niya muna ako at saka siya umorder ng donut na mayroong kulay pink na palaman at isang bote ng softdrinks.
"Wag mong sasabihin kay mama na binilhan kita nito ha?" saad niya at saka niya ako kinindatan.
Siguro kaya rin naging paborito ko siyang tita ay dahil binibilhan niya ako ng mga pagkaing binabawal sa akin ni mama.
Ah, basta. Paborito ko si tita. Ano na nga ba ang pangalan niya?
Matapos kaming kumain ay kinarga niya ako at nagba
