Maaga kaming nagising kinabukasan upang maglakbay patungo sa susunod na kaharian. Katulad nang sinabi ni Haring Philip ay mayroon ngang nakahandang karwahe pagkalabas naming sa aming tinutuluyan. Sobrang laki nito ngunit hindi ganoon kagara, sakto lamang upang hindi masyadong makakuha nang atensyon. Mayroon ding nasa apat na guwardiya ang nagbabantay nang karwahe at sa tingin ko ay sila ang maghahatid sa amin patungo sa sunod na kaharian.
Katulad lamang ito nang karwaheng sinakyan naming ni Vaughn patungong Caldonia noong unang beses kong sumakay sa ganitong transportasyon. Kasyang kasya kaming lima sa loob at may mga unan pang kasama kung sakali mang antukin kami o di kaya ay mangalay sa buong byahe. Nakiusap muna si Vaughn sa mga guwardiya bago kami pumasok isa isa. Katabi ko sa isang
