NAGING masaya ang pamamasyal nina Daneen at Akihiro. Masasabi niyang sulit ang lahat —dahil nakasama niya ang taong mahal niya.
Pakiramdam niya ngayon lang siya ulit nagkaroon ng kalayaan dahil walang Achilles na sumusunod- sunod sa kanya.
Dumaan pa ang mga oras—pasado alas diyes na ng gabi ng ihatid siya ng binata pauwi sa kanilang bahay.
Nasa gate na siya—at masaya siyang nagpaalam kay Akihiro.
Napapangiti siya—ngayon hindi na siya nangangamba pa dahil nasabi na niya kay Akihiro ang lahat. Gumaan ang pakiramdam niya kahit papaano.
Isa na lang ang kinakatakutan niya ngayon—kung handa ba siya sa magiging kalalabasan ng gagawin niyang desisyon.
"Bye love," saka siya ginawaran ng halik sa kanyang noo.
"Ingat sa pagda-drive love," kumaway pa siya dito bago tuluyang umalis ang nobyo.
"
