- "أيوة يا مروان زي ما سمعت كدا أنا هرجع الشغل تاني ..فيا ريت تظبتلي عروض كويسة ومفهاش سفر كتير "
قال مروان رداً علي سالي بحماس :-
"عظيم يا سالي دا أنت كنتِ بتطلبي بالأسم كويس أنك راجعة تاني بس أوعي تكوني زاد وزنك "
نظرت لنفسها بالمرآة وقالت له :-
"زدت بسيط قوي بس سهلة أني أعمل رجيم وهرجع في ثواني "
كان مروان هو المنظم الرئيسي للعروض التي كانت تقوم بها ومن أحد الأشخاص الذين شجعوها بهذا المجال فقال لها :-
"في عرض هيتعمل في القاهرة كمان أسبوعيبن ولسه مظبتناش الموديلات الأساسية فيا ريت تحاولي تجهزي بسرعة عشان دا عرض مهم لم**م كبير "
ابتسمت بحماس وقالت له :-
"عظيم وأكيد أنا هكون معاكوا في العرض ده "
أغلقت الخط بحماس وهي سعيدة لكنها سمعت صوت الباب وهو يُفتح ووجدت نادر يدخل الغرفة فشعرت بالسعادة لرؤيته وابتسمت له قائلة :-
"إيه ده !!..دا أنا قلت هتتأخر طول اليوم هي الساعة كام دلوقت ؟
