"Gaga ka!" kurot ni Delila sa tagiliran niya. "Ganyan ka na ba kabaliw? Mabuti na lang at napadaan ako doon kung hindi, naku!" gigil nitong sambit sabay subok ulit na kurutin si Sheryll, ngunit nagawa niya ng umilag dito. "Ano ba kasing iniisip mo?" panggagalaiti ng kaibigan.
"Bakit ba? Wala naman akong ginagawang masama ah," napanguso na lang siya dito.
"Wala!" tili ni Delila.
Napangiwi na lang siya dahil sa parang pagkakabingi sa lakas ng boses ng kaibigan dahil sa lapit ng bibig nito sa kanyang tenga.
"Eh muntik ka na sumama doon sa macho gwapitong lalaking iyon! Alam mo ba na tirador iyon ng mga shushunga-shunga na tulad mo," sermon nito.
Subalit pansin niya ang kakaibang ngisi sa mukha ng kaibigan habang sinasabi ang mga iyon kaya naman napalabi na lang siyang muli habang nap
