Namimigat ang mata niya nang dumilat. Ang unang nabungaran ng mga mata niya ay ang puting kisame ng kuwarto.
Naramdaman niya ang p*******t ng tiyan na para siyang binugbog. Tila bali-bali ang katawan niya.
Itinaas niya ang kanang kamay at doon niya nakita na may swerong nakatusok sa kanya.
'Nasa ospital ako?' Naguguluhan siya sa nangyari. Pumikit siyang muli upang alalahanin ang huling naganap bago siya nagising.
Ang tanda niya ay galing siya ng eskuwelahan at naglalakad papunta sa dormitoryo upang ayusin ang kaniyang mga gamit. Balak na kasi niyang lumipat sa condo ni Brix dahil tinanong na siya ni Nathan nung isang araw kung kailan niya titirahan iyon. Nanghihinayang kasi ang binata na walang gumagamit niyon at isa pa, siya na ang nagmamay-ari niyon kaya dapat lang na gamitin
