"Nay, si Randolf nga po pala," pakilala niya sa kanyang ina.
Nagpilit kasi ang binata na tumulong sa kanya sa paghahakot ng mga gamit niya sa boarding house. Buti na lang at hindi sumama ang nanay niya doon at baka makausap pa nito ang landlady niya.
"Magandang umaga po," nag-mano pa ang binata sa kanyang ina.
"Kaawaan ka ng Diyos," sabay hawak sa ulo ni Randolf. "Salamat sa pagtulong kay Marsh, ha? Ikaw ba ay hindi namin naabala?"
Nakangiting umiling ito. "Hindi po. Wala naman pong ginagawa at nagpaalam naman po ako sa parents ko na tutulong ako sa inyo ngayon."
Nang makita nito na may buhat siyang box ay mabilis siya nitong nilapitan. "Hindi ka pwedeng magbuhat ng mabigat, remember?" Bulong nito sa kanya.
"Sorry," ganting bulong niya.
"Mother!" napalingon sila dahil sa mal
