BRIELLA'S POV
"Hello!"
Nakakadalawang floor pa lamang ako nang may makita akong isang lalaki na nakaupo sa may hagdan. May hawak siyang yosi at disposable na cup na sa tingin ko ay kape ang laman. Nakapang opisina rin ito kaya alam niyang empleyado rin ng building ang lalaki.
"Hi," alanganin kong bati rin sa kaniya.
Ngumiti siya at saka napatingin sa dalawang kamay ko na may bitbit na mga kape.
"Don't tell me, maghahagdan ka lang hanggang sa 36th floor?" hindi makapaniwalang tanong niya sa akin.
Napakunot naman ang noo ko. "Paano mo nalaman na sa 36th floor ang punta ko?"
Muli siyang ngumiti. Tumayo siya at pinagpag pa niya ang pantalon niya. Pinatay niya ang sindi ng yosi at saka itinapon sa basurahan kasama ang cup na hawak niya.
"Nakita kita nang pumasok sa building. Kasama mo
