Nagulat ang maraming mamamayan dahil sa biglaang pagpapalikas sa kanila ng gobyerno. Wala man lang ibinigay na rason sa kanila ang mga ito at basta na lang sila sampilitan na pinapaalis ng kanilang tahanan para dalhin sa itinayo nilang komunidad.
"Lumabas na po kayo sa mga tahanan niyo at sumunod sa proseso ng paglikas sa inyo! Utos po ito ng ating presidente kaya kung maaari lang po ay sumunod tayong lahat!" malakas na anunsiyo ng ilan sa mga tao ng gobyerno at ipinakita ang nilagdaan na utos na ng kanilang presidente para isagawa ito.
Ngunit mayroon na iba na ayaw sumunod sa kautusan na ito at nagpupumilit na manatili sa kanilang mga tirahan.
"Teka lang po ha! Ang mga natirang tao sa bayan na ito ay walang plano na iwanan ang kanilang tirahan at magtungo sa bagong komunidad na iyan!"
