CHAPTER 23
Natutulog si Addie sa kwarto ni Simon dahil kailangan nitong magpahinga. Si Simon naman mismo ang nagdala sa kwarto, ito pa nga ang nagbuhat sa kanya. Ngunit nakita ni Serafim si Addie na nakahiga sa master's bedroom, ang kwarto ni Simon. Habang mahimbing na natutulog si Addie sa kama bigla na lang binuhusan ni Serafim ng isang pitchel ng tubig. Bagamat hilo pa si Addie ay napabalikwas siya sa kama. Napasigaw siya sa lamig ng tubig. Bigla na lang siyang kinaladkad ni Serafim palabas ng kwarto.
“Ikaw na pokpok ka! Lakas din ng loob mong matulog sa kwarto ng anak ko. Para akitin? Ilang buwan lang akong nawala, sumalisi ka na. Akala mo ba hindi ko alam na palagi kayong magkatabing matulog ng anak ko?” sigaw ni Serafim kay Addie na hilong hilo pa na nakasalampak sa sahig ng hallw
